Waar Talente Skitter
By J.A. Malherbe Primêr glo ons dat ‘n gebalanseerde opvoeding nie volledig is sonder die kweek van kreatiwiteit en selfuitdrukking nie. Ons bied ‘n ryk verskeidenheid kulturele aktiwiteite wat elke leerder die geleentheid gee om hul unieke talente te ontdek en te laat uitblink.
Redenaars en ATKV
Ons leerders leer om met selfvertroue te praat en hul menings te lug deur deel te neem aan kompetisies soos die ATKV en Radikale Redenaars. Hier word hul vermoë om helder en oortuigend te kommunikeer geslyp, ‘n vaardigheid wat ‘n leeftyd sal hou.
Revue en Eisteddfod
Musikale en dramatiese talente word jaarliks gevier in ons skool se Revue-produksies. Ons leerders het ook die geleentheid om hul artistieke vermoëns te ontgin deur deelname aan die Eisteddfod, waar hulle hul liefde vir musiek, drama en kuns kan uitleef.
Akademiese Olimipades
Ons moedig ook ‘n liefde vir leer aan buite die kurrikulum. Leerders neem deel aan verskeie olimpiades en ons is trots op ons leerders se deelname aan die WOW Spelfees.
By J.A. Malherbe Primêr is kultuur meer as net aktiwiteite; dit is ‘n platform vir elke kind se unieke talent om te floreer.